კომერციული ფართი წარმოადგენს თანამედროვე სტანდარტებით გარემონტებულ, მრავალფუნქციურ სივრცეს, რომლის საერთო ფართობია 128.44 კვ.მ და ორ დონედაა ორგანიზებული. შესასვლელი გამზირიდან ერთ საფეხურზე მდებარე 53.87 კვ.მ-ის ძირითად დარბაზში ხვდება, რომელიც ოთხი ვიტრაჟით პირდაპირ გადის გამზირზე და უზრუნველყოფს სივრცის მაქსიმალურ ხილვადობასა და ბუნებრივ განათებას. ძირითადი დარბაზიდან ორი საფეხურით შესაძლებელია გადასვლა 44.97 კვ.მ-ის დამატებით სივრცეში, სადაც მოწყობილია ანტრესოლი. აღნიშნული ნაწილი იდეალურად ერგება როგორც სტუმრების დამატებით ზონას, ისე სხვადასხვა კომერციულ კონცეფციას. ამავე სივრციდან კიბით უკავშირდება ქვედა დონე — 29.16 კვ.მ-ის ფუნქციური ბლოკი, სადაც განთავსებულია სრულად მოწყობილი სამზარეულო, სველი წერტილი, საკუჭნაო/ტექნიკური ოთახი და სასაწყობე ფართი. ობიექტი სრულად მზად არის კვების ობიექტის ან სხვა კომერციული საქმიანობის ოპერირებისთვის. ფართში დამონტაჟებულია: იატაკქვეშა გათბობის სისტემა; ცენტრალური გაგრილების სისტემა ინდივიდუალური ტემპერატურის მართვით; იატაკქვეშა სუსტი დენებისა და ინტერნეტის კომუნიკაციები; სახანძრო და დაცვის სისტემები.