გთავაზობთ საოფისე ფართს, რომელიც უნიკალური მდებარეობის გამო თქვენი ბიზნესის სავიზიტო ბარათი შეიძლება გახდეს. მასზე ისაუბრებენ, ის თქვენს ბრენდს წარმოაჩენს, როგორც განსხვავებულს, ამბიციურს და სხვებისგან გამორჩეულს. ეს არის ოფისი, რომელსაც შეუძლია კონკურენტული უპირატესობა მოგიტანოთ, თქვენი ბრენდის ცნობადობა გაზარდოს და თანამშრომლებს სიამაყის გრძნობა შემატოს. თუ ასეთ ოფისს ეძებთ, მაშინ ეს ექსკლუზიური შეთავაზება თქვენთვის არის: ფართი ორ სართულიანი შენობის პირველ სართულზე 856 კვმ-ის ფართობზეა ჰორიზონტალურად გაშლილი და ვიტრაჟული კედლით გადის მტკვრის სანაპიროზე, საიდანაც თბილისის საუკეთესო ხედები იშლება. ფართის ქვემოთ ნახევრად სარდაფული სართულია ცალკე ინდივიდუალური შესასვლელით. ფართის ზემოთ კი ტერასაა, რომელიც რიყის პარკს უერთდება. საოფისე ფართში ჭერი 3 მეტრზე მეტია, დაგეგმარებულია სველი წერტილები, სამზარეულო. ფართი ამჟამად შავი კარკასის მდგომარეობაშია და მესაკუთრე მზად არის რამდენიმე თვეში თქვენს ბიზნეს მოთხოვნებზე მორგებული გეგმარებითა და დიზაინით გარემონტებული ჩაგაბაროთ. საოფისე ფართს წინ აქვს დაახლოებით 30 მანქანის საპარკინგე ინდივიდუალური ადგილი, ასევე 3-4 წუთის ფეხით სავალზე არის ორი დიდი საპარკინგე საჯარო სივრცე რიყის ტერიტორიაზე, სადაც დღის განმავლობაში ყოველთვის არის თავისუფალი ადგილები თქვენი ვიზიტორებისა და თანამშრომლებისთვის. ოფისი ადვილად მისადგომია როგორც ტრანსპორტით, ასევე მანქანით. მისი ცენტრალური ლოკაციის, ხიდდთან ახლოს მდებარეობის და მტკვრის მარცხენა სანაპიროს შედარებით ნაკლებად გადატვირთულობის გამო რამდენიმე წუთში, საცობების გვერდის ავლით მოხვდებით თბილისის ცენტრალურ უბნებში. თავისუფალი პარკირება კი ოფისის დიდი უპირატესობაა, როგორც ვიზიტორებისთვის, ასევე თანამშრომლებისთვის. ოფისი საუკეთესო არჩევანია მათთვის, ვისაც სურს განსხვავებული და კომფორტული სამუშაო გარემოს შექმნა.