ქირავდება (განიხლება გაყიდვაც) ელეგანტური, თანამედროვე დიზაინის მიხედვით აშენებული და კეთილმოწყობილი, 6 ოთახიანი სახლი 750 კვადრატულ მიწაზე - აუზით, ბუხრით და ორი აბაზანით, ძვირადღირებული ავეჯით, ტექნიკით და პანორამული ხედით კავკასიონზე. (სააგენტოებს, ჩემთან, როგორც მეპატრონესთან შეუთანხმებლად განცხადების გავრცელება ეკრძალებათ). მათთვის, ვისაც ჩვეულებრივ და სტანდარტულ სახლში ცხოვრება არ სურს, ქირავდება ელეგანტური, თანამედროვე დიზაინის მიხედვით აშენებული და კეთილმოწყობილი, 6 ოთახიანი სახლი, აუზით, ბუხრით და ორი აბაზანით, გასაოცარი პანორამული ხედით კავკასიონზე - საგურამოში (კოტორაანთკარი). სახლი მდებარეობს უშუალოდ ცენტრალური, მოასფალტებული გზის პირას. ასე რომ, არ მოგიწევთ, არსად გადახვევა და არ გიწევთ ქვაღორღიანი გზით სახლამდე მისვლა. ინფრასქტრუქტურა კარგად განვითარებული და გამართულია. სახლი მდებარეობს არაჩვეულებრივ ლანდშაფტში, თბილისის ეროვნული პარკის ზუსტად წინ. საცხოვრებელი ფართია 160 კვადრატული მეტრი, ხოლო ეზო 750 კვადრატული მეტრი. სახლი უზრუნველყოფილია კომფორტული ცხოვრებისათვის საჭირო ყველა ნივთით და სისტემით. აქვს სამი საძინებელი, მათ შორის ერთი საკუთარი აბაზანითა და სველი წერტილით. საცხოვრებელი სივრცე დიდი და ფართო ვიტრაჟებითა და კეთილმოწყობილი ლაუნჯით, რომელიც ორგანულად ერწყმის გარე სივრცეს და გოლდენ ლეილენდ რაიდერებით ლამაზად გამწვანებულ ეზოს, სადაც ისარგებლებთ აუზით. გარე სივრცის ზომა და დაგეგმარება იძლევა სტუმართა მნიშვნელოვანი რაოდენობის მიღების შესაძლებლობას. ეზო გარშემორტყმულია კაპიტალურად ნაშენები და დეკორატიულად გაფორმებული ღობით. ჭიშკარი მუშაობს ავტომატურ სისტემაზე პულტის მეშვეობით. მწვანე გაზონები და მცენარეები ირწყვება ავტომატური მორწყვის სისტემით. ეზო სრულად და კარგად არის განათებული. განათების სისტემა მუშაობს ავტომატურად (პროჟექტორები შებინდებისთანავე ირთვება), თუმცა შესაძლებელია მისი ხელით მართვაც. სახლი უზრუნელყოფილია გათბობის იტალიური სისტემით, აბაზანისა და სამზარეულოს ძვირადღირებული ტექნიკით (BOSCH, SAMSUNG, PHILIPS) და სასადილოსა და ეზოს ძვირფასი ავეჯით (KARE). სახლი უზრუნველყოფილია ინტერნეტით. ეზოში დგას ყველაზე დიდი ზომის ბატუტი, რაც დამატებითი ატრაქციაა დროის მხიარულად გასატარებლად. ცივი და ცხელი წყალი არის მუდმივად, რადგან სახლს გააჩნია წყლის მიწოდების საკუთარი, ავტონომიური სისტემა. ემსახურება კერძო დაცვის სამსახური. სახლს აქვს პარკინგი სამი ავტომობილისთვის. იდეალურია მათთვის, ვისაც სურს სრული კომფორტი, ქალაქის დამღლელი რუტინისაგან გათავისუფლება და ამავდროულად თბილისთან ახლო და სწრაფ სატრანსპორტო კომუნიკაციაში ყოფნა.