ეს არის საუკეთესო სივრცე მათთვის, ვისაც მეგობრებთან ერთად დაბადების დღის, დღესასწაულების ან ღამის წვეულების აღნიშვნა სურთ. წვეულების სახლი უსაფრთხოა ყველასთვის, განურჩევლად სქესისა, რასისა, რელიგიური აღმსარებლობისა, სექსუალური იდენტობისა და ეთნიკური წარმომავლობისა. სახლი 6 ოთახისგან შედგება: ბუხრის ოთახი, ცეკვის ოთახი, შუა ოთახი, მოსასვენებელი ოთახი და ორი საძინებელი. ამას გარდა, სახლი აღჭურვილია 2 სველი წერტილით, დიდი ვერანდით და უზარმაზარი წინა ეზოთი. ცეკვის ოთახი არის ბნელი და კომფორტული რეივის ტიპის წვეულებისთვის და აღჭურვილია მაღალხარისხიანი საუნდსისტემით. ბუხრის ოთახში მოთავსებულია სამზარეულო და ბარის სივრცე, სადაც სტუმრებს საჭმლის მომზადება, სასმლის შევსება და კოქტეილების დამზადება შეუძლიათ. სივრცეს ზედამხედველობს სპეციალური დაცვის ოფიცერი. დაცვა უზრუნველყოფს სტუმრებისთვის ჭიშკრის გაღებას, მათ სახლში შეძღოლას და წესებისა და პირობების გაცნობას. სახლში შესვლამდე სტუმრები ხელს მოაწერენ ხელშეკრულებას, რომელშიც თავმოყრილია წესები და პირობები, რომლითაც სახლი საქმიანობს (თანხის დაბრუნების, ზიანის ანაზღარუების და სხვა დეტალების ჩათვლით). თქვენ უკვე შეგიძლიათ იქირაოთ სახლი (850 ლარი) ერთი ღამით (14:00 საათიდან 12:00 საათამდე) და გაატაროთ დასამახსოვრებელი საღამო. მისამართი: გლდანულა, აღმაშენებლის მე-5 ჩიხი, 11ა