კოჯორში, ქოროღლის უბანში (ორთაჭალიდან დაახლოებით 20 წუთის, თავისუფლების მოედნიდან 25 წუთის მანძილზე. რუკაზე დასმული ლოკაცია არის ზუსტი: https://maps.app.goo.gl/cTmyLsz7BynZL1Bc7), ტყის პირას ქირავდება ახალი აშენებული აგარაკი, სრულად აღჭურვილი და მოწყობილი. ყველა საჭირო ავეჯითა და ტექნიკით (მაცივრები, გაზის და ელექტროქურები, საცხობი, ჭურჭლის სარეცხი მანქანა, სარეცხი და საშრობი მანქანები და ა.შ.), ასევე სპეციალურად მოწყობილი კინოთეატრის ოთახით. სახლი არის ორსართულიანი, ერთი მთავარი სართულია, სადაც არის სამი საძინებელი, დიდი მისაღები, დიდი სამზარეულო და ორი აბაზანა, ხოლო ქვედა სართული არის ნაწილობრივ მიწის ქვეშ, სრულად მიწის ქვედა ოთახში მოწყობილია კინოთეატრი (4K პროექტორით და აუდიო-სისტემით), ხოლო ქვედა სართულის მიწის ზედა ოთახებში არის ორი საძინებელი, დიდი სამზარეულო-მისაღები (შედარებით მომცრო სამზარეულოა, თუმცა ელექტროქურა, მაცივარი და ონკანი დგას) და ერთი სველი წერტილი, რომელიც ასევე არის საქვაბე, სათავსო და სამრეცხაო ოთახი სარეცხი და საშრობი მანქანებით. სახლი აგებულია თბოეფექტური ბლოკით და ჩასმულია ენერგოეფექტური მინები, რაც უზრუნველყოფს ეკონომიურობას ზამთარში, ზაფხულში კი სახლი ყველაზე ცხელ დღესაც ძალიან გრილია. სახლი ზუსტად ტყის პირასაა (ორი მხრიდან ესაზღვრება ტყე), აქვს საოცარი მყუდრო გარემო და იდეალურია მშვიდი ცხოვრების მოყვარულთათვის. ეზო საკმაოდ დიდია, გარეთ დროის სატარებლად და გასართობად. ჩართულია სილქნეტის ტელევიზია და ოპტიკური ინტერნეტი. სახლი მდებარეობს ასფალტირებული გზიდან დაახლოებით 500 მეტრში, რის გამოც წვიმიან ამინდში დაბალი სედანით გზამდე მისვლა ცოტა რთულია, თუმცა თუ მაცხოვრებელს მაღალი გამავლობის მანქანა ჰყავს, სრულიად უპრობლემო მანძილია. ამასთან, სახლიდან დაახლოებით 900 მეტრში არის ავტობუსის გაჩერება (თავისუფლების მოედნამდე ავტობუსს დაახლოებით 35 წუთი სჭირდება). ქირავდება მთლიანად და მინიმუმ 6 თვის ვადით, შესაძლებელია ზაფხულის სეზონის (ივლისი-აგვისტო) ჩათვლით გაქირავებაც (ფასი შეიცვლება ან ზაფხულის თვეებს სხვა ფასი ექნება).