ზემო ვერაზე, მთაწმინდის ფერდობზე მდებარე უძრავი ქონება 100 კვ.მ-ს მოიცავს. მინიმალისტური ინტერიერის მქონე ბინა განთავსებულია 4-სართულიანი პრივატული შენობის მესამე სართულზე. სივრცეში მაქსიმალურად გამოყენებულია ხის მასალა და ბუნებრივი განათება, რაც თბილ და მყუდრო ატმოსფეროს ქმნის. ბინის შიდა გეგმარება აერთიანებს მისაღებ ოთახსა და სამზარეულოს და ჯამში 60 კვ.მ-ს შეადგენს. ბინაში არის ერთი საძინებელი (25 კვ.მ), ერთი სველი წერტილი და ორი ვერანდა ხედებით ქალაქზე. ავეჯის უმეტესობა ხელნაკეთია, სადაც ძირითადად გამოყენებულია ხე და ბუნებრივი მასალები. ღამის საათებში ბინას აქვს შიდა განათების სისტემა, რომელიც სივრცეს განსაკუთრებულ კომფორტსა და სიმყუდროვეს სძენს. ლოკაცია იდეალურია მათთვის, ვისაც მშვიდი და ეკოლოგიურად სუფთა გარემო უყვარს — ქალაქის ხმაურისგან მოშორებით, თუმცა ამავე დროს ქალაქის ცენტრთან ახლოს.