იყიდება კერძო სახლი ენისელში

სახლი მდებარეობს ყვარლის რაიონის სოფელ ენისელში. გრემის სამონასტრო კომპლექსთან ახლოს. თელავი-ყვარლის დამაკავშირებელ გზაზე. მიწის ნაკვეთზე საკადასტრო კოდით 57.08.51.000.661 განთავსებულია როგორც საცხოვერებელი სახლის შენობა, ასევე დამხმარე სამეურნეო შენობა. ორივე შენობა ერთ სართულიანია. ძირითადი კონსტუქცია შესრულებულია რკინაბეტონის კარკასული ტიპის კონსტრუქციით. ძირითადი სახლი შედგება შემდეგი ფუნქციური ოთახებისაგან: 5 საძინებელი ოთახი ინდივიდუალური სან-კვანძებით, კაბინეტი, მისაღები ოთახი, რომლიდანაც გავდივართ გადახურულ ტერასაზე სადაც ასევე განთავსებულია 60 კვ.მ ფართობის აუზი. სახლს ასევე აქვს სამზარეულო სივრცე, საიდანაც გავდივართ დიდ გადახურულ ტერასაზე, სადაც ასევე განთავსებულია გარე სამზარეულო სივრცე. შენობაში არის ასევე საერთო სან-კვანძი და სამრეცხაო სივრცე. შენობას აქვს ორ მანქანაზე გათვლილი პარკინგის ადგილი, რომელიც მოქცეულია მთლიანი შენობის გადახურულ ნაწილში. ინტერიერის ნაწილში კედლები დამუშვებულია და შეღებილია მაღალი ხარისხის საღებავით. შიდა კარებები მდფ-ის. გარე კარ-ფანჯრები კი სკანდინავიური ფიჭვის მასალისგან დამზადებული მაღალი სიმტკიცის მინაპაკეტით. ასევე სკანდინავიური ფიჭვისგანაა დამზადებული ფასადის დარაბები. იატაკები მოპირკეთებულია ძირითადად სამშრიანი მუხის პარკეტით. გათბობის სისტემა ცენტრალიზებულია. საქვაბე განთავსებულია სამეურნეო შენობაში. საქვაბიდან ხდება ცივი და ცხელი წყალმომარაგება. ცივი წყალმომარაგებისათვის სამეურნეო შენობაში გაკეთებულია 75 მ სიღრმის ჭაბურღილი რაც უზრუნველყოფს სუფთა წყლის უწყვეტ მარაგს ნებისმიერ სეზონზე. ასევე, სამეურნეო შენობაში განთავსებულია წყლის ავზები წყლის დამატებითი მარაგისთვის. გათბობის სისტემა კომბინირებულია - რადიატორები უმაღლესი ხარისხის თუჯის დიზაინერული დეკორატიული ჩუქურთმებით. ხოლო სან-კვანძებში და სამზარეულოში გვაქვს იატაკის გათბობა. ძირითადი სანტექნიკური მოწყობილობები ჩაშენებულია კედელში. გაგრილების სისტემა დამონტაჟებულია ცენტრალიზებულად, ყველა ოთახში ინდივიდუალური მართვით. სახურავი გადაწყვეტილია უმაღლესი ხარისხის ესპანური კრამიტით დაძველების ეფექტით. სახურავის კონსტრუქცია ხისა და ლითონის კომბინირებული ვარიანტია. ფასადი ნაწილში გვხდება კედლის დამუშავება არმარენო 600-ით და ღებვით. ვერანდები და აუზის გარშემო ტერიტორია მოპირკეთებულია ასევე ესპანური კერამიკული თიხის ფილებით. სამეურნეო შენობაში გარდა საქვაბის ოთახისა წარმოდგენილია ორი ინდივიდუალური საცხოვრებელი სივრცე დამხმარე პერსონალისათვის. ასევე მიწისქვეშა სივრცე სასაწყობე დანიშნულების. სამეურნეო შენობაც გადახურულია იგივე ტიპის კრამიტის ფილებით. სამეურნეო შენობის დონეზე შესაძლებელია 6-8 ავტომობილის პარკირება. ეზოში წარმოდგენილია სხვადასხვა ჯიშის ხე-ნერგები. სავალი ნაწილი მოპირკეთებულია ბაზალტის მცირე ზომის ფილებით. ტერიტორიის გარშემო გვაქვს ორ დონიანი ღობე ბეტონსია და სეტკის. მიწის ნაკვეთის ფართობი 2700 კვ.მ-ია. საცხოვრებელი ნაწილის ფართი 727 კვ.მ. საზაფხულო ვერანდების ფართი 170 კვ.მ. ხოლო დამხმარე ფართი 103 კვ.მ პარკინგი 116 კვ.მ აღნიშნულს გარდა იყიდება მთლიანი ტერიტორია ჯამურად 8 ჰექტარი, ინვესტიციისთვის იდეალური ადგილი, სასტუმროს განსათავსებლად. არსებობს ტერიტორიაზე სასტუმროს სრული პროექტი.