ეს შენობა თვალწარმტაც ბუნებაშია გაშენებული, საიდანაც უშბისა და ლაილას მთების პეიზაჟები იშლება. სასტუმრო წლების განმავლობაში წარმატებით ფუნქციონირებდა მაისიდან ოქტომბრამდე, თუმცა მისი სრულად დატვირთვა მთელი წლის განმავლობაში შესაძლებელია. 3200 მ²ს ეზოში განთავსებულია 663 მ² ოთხსართულიანი შენობა. პირველი და მეორე სართულები სრულად დამთავრებული და ამუშავებული. პირველ სართულზე განლაგებულია დიდი მისაღები ბუხრით, სამზარეულო, 2 ნომერი და 1 სველი წერტილი. მეორე სართულზე 7 ნომერია 2 სველი წერტილით. პირველი და მეორე სართულების მთავარი ღირსშესანიშნაობაა დიდი, 30 კვადრატული მეტრის ვერანდები. მესამე სართულზე 6 დიდი ნომერია ინდივიდუალური სველი წერტილებით და მიყვანილია თეთრი კარკასის კონდიციამდე. მესამე სართული მზა აივნებით გამოირჩევა, რაც მას კიდევ უფრო მიმზიდველს ხდის. მეოთხე სართული თავისუფალი დაგეგმარებისაა, რაც მფლობელს შესაძლებლობას აძლევს, სივრცე საკუთარი სურვილისამებრ მოაწყოს. სასტუმროს განსაკუთრებულ მყუდროებასა და ესთეტიკას სართულების სხვადასხვა სიმაღლის ჭერები ანიჭებს, რაც სივრცის შეგრძნებას კიდევ უფრო აძლიერებს. პირველი სართულის ჭერის სიმაღლე 2.90 მეტრია, მეორის 3.0 მეტრი, მესამის 3.30 მეტრი, ხოლო მეოთხე სართული ყველაზე მაღალი ჭერით გამოირჩევა, რაც მას განსაკუთრებულ ელფერს სძენს. ეზოში გაშენებულია 70 ხეხილის ხე, რომლებიც სეზონურად ყვავის და იძლევა ნაყოფს. 15 ფიჭვი და 20 არყის ხე ელეგანტურობასა და სილამაზეს მატებს ისედაც წარმტაც გარემოს. ეს ულამაზესი ბაღი ბუნებასთან ჰარმონიული და მყუდრო სივრცეა და სტუმრების საყვარელი ადგილიც, სადაც სიმშვიდესა და სვანეთის სუფთა ჰაერში განტვირთვა შეუძლიათ. ეზოში განთავსებული კომფორტული საპარკინგე ზონა თავისუფლად იტევს 8 ავტომობილს. სვანეთი უნიკალური ადგილია ტურიზმის განვითარებისთვის. ზამთარში სპორტულ და სათავგადასავლო ტურიზმს იზიდავს, ხოლო ზაფხულში რეგიონი სავსეა მოლაშქრეებით, ალპინისტებით, ბუნების მოყვარულებით და კულტურული მემკვიდრეობის აღმომჩენებით. ეს ადგილი იდეალური არჩევანია მათთვის, ვინც ეძებს უჩვეულოდ ლამაზ და პერსპექტიულ ადგილს ტურისტული ბიზნესისთვის ან სურს, სვანეთის ამ მშვენიერ კუთხეში საოჯახო სასტუმროს საქმიანობა განაგრძოს. აქ თითოეული სტუმარი თავს განსაკუთრებულად იგრძნობს, ხოლო ინვესტორებისთვის ეს პროექტი მომგებიანი შესაძლებლობაა, რომელიც მთის კურორტზე უნიკალურ სასტუმროს ქმნის.