ვაკეში, ბარნოვის ქუჩაზე, თბილისის ხასიათით სავსე 4-სართულიანი აგურის შენობა დგას. შენობის მესამე სართულზე მდებარეობს 120 კვ.მ ფართობის ბინა, რომელიც იდეალურია საოფისე სივრცისთვის. სივრის ფანჯრები და ერთი აივანი ბარნოვის ქუჩას გადაჰყურებს და გამოირჩევა სარეკლამოდ თვალსაჩინო მდებარეობით. ბინა გაშლილი და გამჭოლია, ჭერის სიმაღლე — 3.40 მეტრია. ბინის გეგმარება კლასიკურად ფუნქციურია: ფართო ჰოლი, 40 კვ.მ-იანი მისაღები ოთახი, ორი დიდი საძინებელი (18 და 19 კვ.მ), ორი აივანი (ორივე 7 კვ.მ) — ერთი შიდა ეზოს, მეორე კი ბარნოვის ქუჩას გადაჰყურებს. ბინის დამატებითი ღირებულებაა ლოჯია-გალერეა, რომელიც შიდა ეზოს მხარეს მდებარეობს. სივრცეს აქვს ცალკე სამზარეულო, რომელიც საჭიროების შემთხვევაში მეორე სველ წერტილად გადაკეთდება. ბინაში დაცულია ავთენტურობა: იატაკზე დაგებულია მაღალი ხარისხის მუხის პარკეტი, კარ-ფანჯრები ახლახან შეცვლილია და ორმაგი მინა-პაკეტითაა აღჭურვილი. ადგილმდებარეობა უძრავი ქონების ერთ-ერთი მთავარი უპირატესობაა: სახლიდან რამდენიმე ნაბიჯზეა მრგვალი ბაღი, მელიქიშვილისა და ჭავჭავაძის გამზირები, ასევე ვარაზისხევი. ახლომახლო მდებარეობს ქსელური მაღაზიები, იოგას ცენტრი, სილამაზის სალონები და კაფე-რესტორნები — ყველაფერი, რაც ქალაქურ კომფორტს სჭირდება.