იყიდება 2098 კვ.მ სასოფლო-სამეურნეო დანიშნულების მიწის ნაკვეთი ხაშურის მუნიციპალიტეტში, სოფელ კოდისწყაროში. ნაკვეთი მდებარეობს კოდისწყაროს ტბიდან დაახლოებით 100 მეტრში, მშვიდ და ეკოლოგიურად სუფთა გარემოში. ტერიტორიამდე მიდის გრუნტის გზა, ნაკვეთზე შეყვანილია ელექტროენერგია. კოდისწყაროს ტბა შიდა ქართლის ერთ-ერთი გამორჩეული ტურისტული ლოკაციაა, რომელსაც მთელი წლის განმავლობაში სტუმრობენ ბუნების, ლაშქრობისა და აქტიური დასვენების მოყვარულები. ტბიდან იწყება სალაშქრო მარშრუტი ღორისნამკლის მთისკენ (1706 მ), საიდანაც იშლება შთამბეჭდავი პანორამული ხედები. ადგილმდებარეობა იდეალურია აგარაკის, კოტეჯის, საოჯახო სასტუმროს ან ტურისტული პროექტის განსახორციელებლად. ტერიტორია გამოირჩევა ულამაზესი ბუნებით, ტყის მასივებით, სუფთა ჰაერითა და სიმშვიდით. გაზაფხულზე ტბის მიმდებარე ტერიტორია გვირილების მინდვრებით იფარება, შემოდგომაზე კი განსაკუთრებული ფერებით გამოირჩევა. ტბა ასევე პოპულარულია თევზაობისა და დასვენების მოყვარულებში.