სიღნაღში იყიდება უნიკალური ბინა, ისტორიული სახლის ნაწილი ქალაქის ცენტრში, სიყვარულის ბაღის მიჯნაზე. სახლი ქალაქის ისტორიის ნაწილია. შევიძინე გაურემონტებელ მდგომარეობაში და გავარემონტე ისტორიული ძეგლისთვის გათვალისწინებული ყველა სტანდარტის დაცვით, დამტკიცებული პროექტით. მილები შეფუთულია საიზოლაციო მასალით, ხის მასალად გამოყენებულია მუხის გული და სადაც შესაძლებელი იყო, ყველგან რესტავრირებულია ორიგინალი დეტალები. გამოვიყენეთ სელის ზეთის საფუძველზე დამზადებული საღებავი და საუკეთესო ხარისხის სარემონტო მასალები. სახლს აქვს ძველი საჯინიბო, რომელიც საგამოფენო ოთახადაა მოწყობილი. იქვეა სამზარეულო და გარე ტუალეტი, კიბის ქვეშ, თუ გადაწყვეტთ მცირე კაფეს ან სანაყინეს მოწყობას. მეორე სართულზე გექნებათ ლოჯი, დიდი ოთახი და აბზანა-ტუალეტი. სხვენი გადაკეთებულია ოთახად, რომელსაც საკუთარი აივანი აქვს და დამატებულია საუკეთესო ხარისხის სახურავის ფანჯრები. სახურავი შეცვლილია და კრამიტის ქვეშ დამატებულია საიზოლაციო მასალა. რესტავრაციისას აღმოვაჩინეთ ბუხარი, რომელიც გასუფთავებულია და ინტერიერის დეკორის ნაწილია. სახლს ამჟამად ჭირდება გასუფთავება და იატაკის მოხვეწა, ლაკირება. კიბის მასალა ნაყიდია და ჭირდება აწყობა თქვენი პროექტის მიხედვით. სახლს აქვს საკუთარი ეზო. ეზოს ჭირდება მოწესრიგება. იდეალურია ოჯახისთვის, ეარბიენბიზე გასაქირავებლად