იყიდება ცალკე მდგომი მულტიფუნქციური კომერციული შენობა თბილისის ისტორიულ ცენტრში, თამარ მეფის გამზირზე. ობიექტი განთავსებულია მე-19 საუკუნის კლასიკური არქიტექტურის მქონე მყარ შენობაში, ე.წ. „ახალი ტფილისის“ პრესტიჟულ ლოკაციაზე. 4-სართულიანი (სარდაფის ჩათვლით) დამოუკიდებელი ნაგებობა. ექსტერიერი/ფასადი და შიდა სივრცეები არის სრულად და უმაღლეს დონეზე გარემონტებული. შენობას აქვს დამოუკიდებელი ტექნიკური ოთახი, რომელიც აღჭურვილია წყლის სატუმბი ავტონომიური სისტემითა და სპეციალური რეზერვუარებით, რაც ქალაქის ამ ნაწილში წყლის მუდმივ და გარანტირებულ წნევას უზრუნველყოფს. სმარტ-სისტემები: ცენტრალური შესასვლელი კარი აღჭურვილია თანამედროვე ელექტრონული წვდომის/კონტროლის სმარტ-სისტემით. ვინაიდან შენობა არის ცალკე მდგომი და ხასიათდება იდეალური გეგმარებით, ის მარტივად მიესადაგება სხვა ნებისმიერ ეკონომიკურ საქმიანობას: სამედიცინო ცენტრი ან მრავალპროფილური კლინიკა / ესთეტიკის ჰაბი (იდეალურია კაბინეტური სისტემისთვის). წარმომადგენლობითი საოფისე შენობა ან სათაო ოფისი (HQ) ბრენდული ორგანიზაციებისთვის. ბრენდული შოურუმი ან საცალო ვაჭრობის ფლაგმანური მაღაზია (გამზირის დიდი საავტომობილო და ფეხით სავალი ტრაფიკის გამო). ბუტიკ-სასტუმრო ან აპარტ-ჰოტელი.