"გთავაზობთ ისტორიული ტიპის სამსართულიანი სახლს, რომელიც არქიტექტურული ელეგანტურობით, დახვეწილი დეტალებითა და კლასიკური ხიბლით არის გამორჩეული. სახლი აშენდა 2001 წელს, თანამედროვე სამშენებლო სტანდარტებით, თუმცა არქიტექტურითა და ინტერიერის დიზაინით ინარჩუნებს ძველი თბილისის კლასიკურ იერს და აურას. მისი ფასადი გაფორმებულია დეკორატიული სტუკოს ელემენტებით, თაღოვანი ფანჯრებითა და სუფთად გამოყვანილი ორნამენტებით. ცენტრალური ნაწილი განსაკუთრებულად იპყრობს ყურადღებას ფართო აივანი და თაღოვან ღიობებში ჩასმული ფანჯრები სახლს ძველთბილისური, ხავერდოვანი წლების იერს სძენს. შენობაში შესვლისთანავე იგრძნობა სიმყუდროვე და ისტორიის სუნთქვა. ინტერიერი მდიდრულია, კლასიკური სტილით მოწყობილი და თითოეული დეტალი გულდასმით შერჩეული. პირველ სართულზე განთავსებულია დიდი სასადილო, მყუდრო სამზარეულო, დამხმარის ოთახი, ოთახი ბუხრით, საცურაო აუზი და ფინური საუნა თავისი საშხაპებითა და 2 სველი წერტილით. აქვეა სამადგილიანი ავტოფარეხი, საიდანაც შესაძლებელია როგორც პირველ სართულზე, ასევე კიბით პირდაპირ მეორე სართულზე გადასვლა. მეორე სართულზე ავდივართ შთამბეჭდავი, ორნამენტული მოაჯირებით გაფორმებული კიბეებით. მოაჯირების ოქროსფერი სტატუები ოსტატურადაა შესრულებული და პირველივე შეხედვაზე მოგანდომებთ, თითებით შეეხოთ. ლამაზად გაფორმებული ლობიდან შევდივართ კორიდორში, რომლის ირგვლივაც განთავსებულია სამი კლასიკური კაბინეტური ოთახი, თითოეული თავისი ისტორიით და ელეგანტური, ერმიტაჟის სტილის ავეჯით. კედლები და სვეტები მოჩუქურთმებული ორნამენტებით, ჭერი კი რთული, ხელით შესრულებული დეკორით არის გაფორმებული, რაც სივრცეს განსაკუთრებულ მდიდრულ იერს სძენს. მეორე სართულზევეა ცალკე სამზარეულო, იზოლირებული სასადილო, დახურული აივანი და ორი სველი წერტილი. მესამე სართულზე ორნამენტიანი კიბეებით ავდივართ, რომლის სახელურებიც შთამბეჭდავი ოსტატობითაა შესრულებული ადამიანის ხელის ფორმის ქანდაკებს უჭირავთ მოაჯირი. ლობი მოპირკეთებულია მარმარილოთი და დახვეწილი დეკორით. აქ მოთავსებულია ხუთი ულამაზესი საძინებელი: კრემისფერი, ცისფერი, მწვანე, ოქროსფერი და ვერდისფერი. თითოეულს აქვს საკუთარი სველი წერტილი და საგარდერობე. ულამაზესი აბაზანები განსხვავებული და უნიკალური დიზაინითაა გაფორმებული თითოეული სივრცე განსაკუთრებულ განწყობას ქმნის. ეს სახლი არ არის მხოლოდ არქიტექტურული ნაგებობა ეს არის ისტორია, რომელიც თითოეულ დეტალშია ჩაბუდებული. ძველი დროის თბილი მოგონებები და მეცნიერების კომფორტი აქ ჰარმონიულად ერწყმის ერთმანეთს."