საგურამოს შესასვლელში მდებარე ეს გამორჩეული უძრავი ქონება 1700 კვ.მ სასოფლო-სამეურნეო მიწის ნაკვეთზე განთავსებულ 400 კვ.მ კაპიტალურ სახლს მოიცავს. ნაძვის ხეებით დაბურულ გამწვანებული ეზოში მოწყობილია 5x8 ზომის მოქმედი აუზი, მოსასვენებელი სივრცე და რეკრეაციული ზონა. ქონების უპირატესობაა ბულაჩაურის წყალი, რომელიც მუდმივად არის, გრაფიკის გარეშე. ნათელი ინტერიერის მქონე 3-სართულიანი სახლი 6-მეტრიანი ჭერის მქონე მისაღებ ოთახს ბუხრით, 5 საძინებელს, ცალკე სამზარეულოს, 2 აივანს, ტერასასა და 2 სველ წერტილს მოიცავს. ინტერიერში გამოყენებულია ბუნებრივი ხის იატაკი და კარ-ფანჯარა. პირველი ღია სართული პირდაპირ აუზზე გადის, მისი გამოყენება შესაძლებელია საცხოვრებელ ან გასართობ სივრცედ. სახლი აშენებულია არქიტექტორ დავით ვისოცკის პროექტის მიხედვით და გამოირჩევა ინდივიდუალური არქიტექტურითა და დიდი პოტენციალით როგორც მუდმივი საცხოვრებლისთვის, ისე სააგარაკე დანიშნულებისთვის.