თქვენ თუ ეძებთ თბილისიდან 40 კმ. ის რადიუსში საცხოვრებლად ან კომერციული მიზნებისთვის გამორჩეულ სახლსა და სახლთან ახლოს მდებარე ნაკვეთს სამეურნეო დანიშნულებისთვის, მაშინ ეს შეთავაზება თქვენთვისაა ქსოვრისში იყიდება ქვით ნაგები ორსართულიანი სახლი, რომლის კედლები 70 სმ. სისქისაა. გაგიზიარებთ გულწრფელ მოსაზრებას, რატომ მოვიხიბლე ამ სახლით და რატომ მაქვს დიდი სურვილი, რომ შეიძინოს ისე, რომ ოჯახმა, ვინც მას პეწსა და მომხიბლველობას არ დაუკარგავს სახლია ქვით, ნატურალური, ბუნებრივი მასალით აგებული, კედლების სისქე 70 სმ. სახლის პირველ სართულზე , აივანსა, გარემონტებულ ოთახსა და სამზარეულოსთან ერთად არის სარემონტო მაღალჭერიანი მარანი ძველი ქვევრებით, სპარსული ბუხრით, ჩაშენებული საწნახელით. მარნის მოყვარული ოჯახისთვის ან აგროტურების მარშრუტისთვის მომნუსხველი შეთავაზებაა. გარე კიბით, რომელიც რკინის მასალისაა , ავდივართ მეორე სართულზე, სადაც მდებარეობს ორი მაღალჭერიანი ოთახი , აივანი სახლის ფასადის სიგრძეზეა . აივნიდან და სახურავიდან ( ე.წ. სამერცხლიდან ) იშლება ულამაზესი პანორამული ხედები , ღამით მომხიბლველად გამოიყურება შორს მდგომი დასავლეთისკენ მიმავალი განათებული მაგისტრალი. შეგრძნება არის ასეთი, მთებს შორის მზის გულზე მოქცეული ქსოვრისი მდინარე ქსლით ქალაქის ხმაურისგან გამშვიდებს და განტვირთის საშუალებას გაწვდავს 🥰 თითზე ჩამოსათვლელია ეზოები, სადაც დარგულია და ხარობს : შტოში, უნაბი, ზღმარტლი, ჯონჯოლი, სამოთხის ვაშლი, მწყემსის კენკრა , ოთხი ჯიშის ბროწეული, ორი ჯიშის ნუში, შინდის ხე - დაახლოებით 4 მ.სიმაღლის, თეთრი შავგუდა, კომში, არომატული ალუბალი, ბალი, უგემრიელესი მრგვალი, პუტკუნა ქლიავი, ვაშლი, მსხალი, ყურძნის ჯიშები : ადესა, თითა, კაჭიჩი. ეზო არის ორდონიანი, რაც იმას ნიშნავს რომ ზედა ოთახებს აქვს გასასვლელი კარი დიდ აივანზე და უკანა ბაღში დამოუკიდებლად. სახლამდე მიდის ასფალტიანი გზა. მუდმივი წყალი, გაზი, ელექტროენერგია და ინტერნეტია. გალესილია ყველა მხრიდან, ოთხივე მხარეს აქვს მყარი ღობე, ყველაფერი შეცვლილია ახლით: სახურავი (მეტალოკრამიტით) კომუნიკაციები. სახურავი შეიძლება გადაკეთდეს მანსარდად სიმაღლის გამო. ეზოში დგას ახალი აშენებული ნაგებობა, გადახურული კრამიტით აბაზანა/ საპირფარეშოსთვის. ეზოში ასევე დგას ძველი ნაგებობა, ერთი მხრიდან ღია, სადაც წლების წინ იდგა თონე. ( შესაძლებელია აღდგენაც და პურის ცხობის მასტერკლასების ჩატარება ტურისტებისთვის.სახლი მდებარეობს მუხრანიდან ავტომობილით 7 წუთის სავალზე. მუხრანში არის: სუპერმარკეტები, ბანკის ფილიალები, სამშენებლო მასალების მარკეტები, ზოომაღაზიები, რესტორანი, კაფე, აფთიაქი.... ქსოვრისში უკვე ფუნქციონირებს სივრცე ივენთებისთვის და აგროტურებისთვის. ფასი: სახლი 50000 $ ( სახლი 118 კვ.მ. ეზო 550 კვ.მ. )