მცხეთაში, დედათა მონასტრის მიმდებარედ, არსებული უძრავი ქონება 750 კვადრატულ მეტრ სასოფლო-სამეურნეო მიწის ნაკვეთზე განთავსებულ 150 კვადრატულ მეტრ ორსართულიან სახლს მოიცავს. ქონება მდებარეობს ე.წ. კირპიჩების დასახლებაში, სააგარაკე ზონაში, სადაც წლების განმავლობაში მორატორიუმის გამო მიწის გასხვისება შეჩერებული იყო. ამ უბანში უძრავი ქონება იშვიათად იყიდება, რაც ობიექტის მდებარეობას განსაკუთრებულად მიმზიდველს ხდის. სახლი გარემონტებულია და გარშემორტყმულია ლამაზი, მოვლილი ეზოთი, სადაც მსხმოიარე ხეხილია, საცურაო აუზი, ავტოსადგომი და ხის ფაცხა. ეზოდან იშლება ხედები მცხეთასა და მის შემოგარენზე. შენობის პირველ სართულზე მოწყობილია მარანი ბუხრით, სამზარეულო, სველი წერტილი და საკუჭნაო, ხოლო მეორე სართულზე მისაღები ოთახი, სამი საძინებელი და ორი სველი წერტილია. სახლში ხის იატაკი, ჰერმეტული მეტალოპლასტმასის კარ-ფანჯრები და რკინის გისოსებია. ჭერი მაღალია და აქვს დიდი ვერანდა, საიდანაც იშლება ულამაზესი ხედები. სახლი გალავნითაა შემოფარგლული და განთავსებულია შემაღლებულ ადგილზე, რაც კიდევ უფრო ამძაფრებს სივრცისა და ხედების ეფექტს. ეზოში მოწყობილია საზაფხულო დასასვენებელი ადგილი ყურძნის ტალავერით დაჩრდილული ტერასითა და ცალკე მდგომი ხის ფაცხით. შენობის საძირკველი მყარია და შესაძლებელია სართულის დამატებაც.