იყიდება ახალგარემონტებული, ნათელი და გამორჩეული 183 მ² ბინა ვაკეში, ტიციან ტაბიძის ქუჩაზე, ვაკის პარკის მიმდებარედ. ბინა მდებარეობს 9-სართულიანი კორპუსის მე-8 სართულზე და გამოირჩევა ულამაზესი ხედებით სამი მხრიდან. იშლება ხედები ვაკის პარკზე, კუს ტბის მთასა და აბაშიძე-ჭავჭავაძის მიმართულებით. ჩანს ანძა, სვანური კოშკი და ვაკის პარკის გამარჯვების ქანდაკება. ლოკაცია განსაკუთრებით მშვიდი და ეკოლოგიურად სუფთაა. ტაბიძის აღნიშნული მონაკვეთი ჩიხია და ფაქტობრივად მხოლოდ ადგილობრივი მაცხოვრებლების გადაადგილება ხდება, ასევე, ამ ქუჩაზე მაღალსართულიანი მშენებლობები შეზღუდულია, რაც ხედების შენარჩუნების მნიშვნელოვან გარანტიას ქმნის. ბინაში არის სამი საძინებელი, მათ შორის მასტერ საძინებელი საკუთარი სველი წერტილით, გარდერობითა და აივნით, დიდი მისაღები ოთახი, იზოლირებული ნათელი სამზარეულო და ორი სველი წერტილი. ბინას აქვს ფართო ვერანდა ულამაზესი ხედით ვაკის პარკზე. რემონტი შესრულებულია ევროპული, ეკოლოგიურად სუფთა მასალებით. გამოყენებულია გერმანული GROHE-სა და იტალიური სანტექნიკა და გათბობის სისტემა. ბინა იყიდება სრულად მოწყობილი ავეჯითა და ტექნიკით, მათ შორის კონდიციონერებით, ღვინის მაცივრით, ტელევიზორებით, ჭურჭლისა და ტანსაცმლის სარეცხი მანქანებით. კორპუსს ემსახურება დაცვა და 24-საათიანი ვიდეომეთვალყურეობა. კეთილმოწყობილი სადარბაზო უზრუნველყოფს ველოსიპედის, სკუტერისა და სხვა ნივთების უსაფრთხოდ დატოვების შესაძლებლობას. ფეხით სავალ მანძილზეა ვაკის პარკი, სკოლები, საბავშვო ბაღები, სუპერმარკეტები, კვების ობიექტები და ყველა საჭირო ინფრასტრუქტურა.