იყიდება უნიკალური ისტორიული ბინა მთაწმინდის გულში, პავლე ინგოროყვას ქუჩა . ეს შენობა ოფიციალურად წარმოადგენს კულტურული მემკვიდრეობის ძეგლს. ეძებთ არა უბრალოდ საცხოვრებელს, არამედ ძველი თბილისის მატერიალურ ისტორიას, არქიტექტურულ მარგალიტსა და საინვესტიციო შედევრს. ქონება მდებარეობს ქალაქის აბსოლუტურად საუკეთესო და პრესტიჟულ ცენტრალურ ადგილას, სადაც მიუხედავად ქალაქის გულში მდებარეობისა, სუფევს სრული სიმშვიდე და ფაქტიურად არ არის ხმაური. როგორც ძველი თბილისური გადმოცემები და ლეგენდები მოგვითხრობს, ეს ტერიტორია და შენობა ცნობილი ბარათაშვილების მამულის ადგილას არის აშენებული. შენობის ოფიციალური ისტორია იწყება 1880 წლიდან, როდესაც ეს ნაკვეთი და სახლი თავადმა ზაქარია ერისთავმა ააშენა, რაც ემთხვევა მთაწმინდის უბნის აქტიურ განაშენიანებასა და ევროპული სტილის არქიტექტურული ფორმების დამკვიდრებას. 1912 წელს მიწის ნაკვეთი არსებული სახლით იყიდა ბაქოელმა პირველი გილდიის ვაჭარმა და ნავთობის მრეწველმა ამბარცუმ მელიქოვმა. როგორც გადმოცემა ამბობს, მან ეს ბრწყინვალე სახლი თავის რჩეულს აუშენა. შენობამ სწორედ ამ პერიოდში შეიცვალა იერი ცნობილი არქიტექტორის, ნეპრინცევის პროექტის მიხედვით. 1921 წელს, საქართველოს საბჭოთა ოკუპაციის შემდეგ, მელიკოვი ემიგრაციაში წავიდა, ხოლო სახლი სახელმწიფო საკუთრებაში გადავიდა და ნაციონალიზებულ იქნა. შენობის კედლები ინახავს XX საუკუნის ქართული ინტელიგენციის მნიშვნელოვან ისტორიას. ამ სახლში ცხოვრობდნენ მსოფლიო დონის ქართველი მიკრობიოლოგი, ბაქტერიოფაგის შემქმნელი გიორგი ელიავა და ლეგენდარული ქართველი არტისტი, მსახიობი და მომღერალი ბუბა კიკაბიძე. დღეს შენობა ახალ, ისტორიულ ეტაპზე გადადის. თბილისის განვითარების ფონდი იწყებს შენობის სრულ მასშტაბურ რეაბილიტაციას. არსებული ხელშეკრულების თანახმად, სარეაბილიტაციო სამუშაოები ორწლიან პერიოდს მოიცავს. პროექტის ფარგლებში იგეგმება როგორც მთლიანად პავლე ინგოროყვას ქუჩის სრული რეაბილიტაცია, ისე თავად ისტორიული შენობის ფასადისა და კონსტრუქციის საფუძვლიანი განახლება. ასევე იგეგმება შიდა სარემონტო სამუშაოები, რაც უზრუნველყოფს უძრავი ქონების სრულყოფილ თანამედროვე კომფორტსა და უმაღლეს საინვესტიციო ღირებულებას. ეს არის იშვიათი შანსი, გახდეთ თბილისის კულტურული მემკვიდრეობისა და ისტორიის მფლობელი.