იყიდება ბინა თბილისის ერთ-ერთ პრესტიჟულ და ისტორიულ ლოკაციაზე რუსთაველის გამზირისა და მეტროფანე ლაღიძის ქუჩის კვეთაზე, მოსე თოიძის სახლ-მუზეუმის ზემოთ, კულტურულად ღირებულ, ძველ თბილისში მდებარე ისტორიულ შენობაში. ბინა ახალი გარემონტებულია, თუმცა სრულად შენარჩუნებული აქვს ძველთბილისური იერსახე რესტავრირებულია ხის პარკეტი, დაცულია ავთენტური ხის კარებები და ფანჯრები, რომლებიც აღჭურვილია ორმაგი მინით. 93 კვ.მ. ფართობის ბინა გამოირჩევა სივრცით, სიმყუდროვითა და დახვეწილი სტილით. მოიცავს დიდ მისაღებ ოთახს, ერთ საძინებელს, ცალკე სამზარეულოს და ორ სველ წერტილს. სურვილის შემთხვევაში შესაძლებელია მეორე საძინებლის დამატებაც. მაღალი ჭერი და ისტორიული არქიტექტურული დეტალები ქმნის განსაკუთრებულ ატმოსფეროს, რომელიც თანაბრად შესაფერისია როგორც საცხოვრებლად, ისე საოფისე სივრცის მოსაწყობად. მისამართის სტრატეგიული მდებარეობა რუსთაველის გამზირის შუაგულში იძლევა შესაძლებლობას, ბინა გამოყენებულ იქნას როგორც საცხოვრებლად, ასევე წარმომადგენლობითი ოფისისთვის ან საკონსულტაციო სივრცისთვის.