იყიდება გამორჩეული არქიტექტურის მქონე ახლადაშენებული ვილა წავკისში შესანიშნავი პანორამული ხედებით დედაქალაქსა და შემოგარენზე. ვილა წარმოადგენს რეკრეაციულ ზონაში 4 სახლისგან შემდგარი მდგრადი მიკროუბნის - „ 4 სეზონი წავკისის“ ნაწილს. ვილას გააჩნია საკუთარი მიწის ნაკვეთი 632 კვ.მ. რომელიც მოიცავს დასასვენებელ ზონას აუზით 3X9. ეზოს პერიმეტრის ზედა და ქვედა დონის გამწვანებულ ზონებს, მოპირკეთებულ ტერასებს, დეკორატიულად გადახურულ პარკინგს 2 ავტომობილზე, საფირმო დახვეულ მეტალის კიბეს. სახლის არქიტექტურა გამოირჩევა 4 მეტრიანი კონსოლური კონსტრუქციით, რომლის სივრცეში გაწვდენილი აივნები და ტერასები დილიდან ეგებებიან მზის ამოსვლას, საღამოთი კი ტკბებიან მშვენიერი დაისით. კონსოლური არქიტექტურა დამატებით უზრუნველყოფს -1 სართულზე განთავსებული ბუხრიანი დარბაზის წინ მდებარე 38 კვ.მ ტერასის ბუნებრივი გადახურვას და უშუალოდ ემიჯნება ქვედა ზონის გამწვანებულ სივრცეს. კიდევ ერთი გამორჩეული არქიტექტურული ელემენტია ბუნებრივი ქვით მოპირკეთებული ბუხრის კალამი, რომლის სიმაღლეც 14 მეტრია. ვილა მოპირკეთებულია ევროპული ქვაბამბით დათბუნებული ვენტილირებადი ფასადის სისტემით, სადაც ერთმანეთს ერწყმის ნატურალური ხე, ბუნებრივი ქვა და მეტალის ჩანართები. მაღალი ხარისხის სლაიდი და ვიტრაჟული სისტემები დაბალემისიური შუშებით უზრუნველყოფენ შენობის ბუნებრივ განათებას, ვენტილაციასა და ენერგოეფექტურობას. ვილის სახურავი დათბუნებულია პენოპლასტის ფილით და უზრუნველყოფილია მაღალი ხარისხის ჰიდროიზოლაცია. შესასვლელები გადახურულია სპეციალურად შექმნილი დიზაინის მეტალის სახურავებით. ტერიტორიაზე გათვალისწინებულია წყალდანაკადის, წყლის მიწოდებისა, სარწყავი და ელექტრო სისტემები, მათ შორის ავტომობილის სწრაფი დამტენის მოწყობა. ეზოში დამონტაჟებული ბოლო თაობის ბუნებრივი ნარჩენების გადამამუშავებელი სეპტიკის სისტემა უზრუნვენარებს 95%-ით გაწმენდილი ტექნიკური წყლის გამოყოფას, რომელიც გამოყენებული იქნება სარწყავი სისტემისთვის და არ საჭიროებს პერიოდულ წმენდას. პერიმეტრი შემოსაზღვრულია მონოლითური კედლით, რომელიც დასრულდება ხის ღობით და ბეტონის კოლონებზე ჩაბმული მეტალის საპარკინგე და საფეხმავლო ჭიშკრებით. პარკინგის ზონა გადახურულია მეტალის კონსტრუქციით. ვილის ინტერიერის მოპირკეთება განსაზღვრულია საინჟინრო კომუნიკაციების გეგმის მიხედვით, სადაც გათვალისწინებულია moderne cჭკვიანი სახლისთვის დამახასიათებელი სისტემები. სარდაფის და ძირითადი სართულებზე გათვალისწინებულია იატაკის გათბობა. სახლებთან მისასვლელად დაპროექტებულია ორმხრივი მისასვლელი გზა და მოკირწყლული ტროტუარები გამწვანებით და განათებით. აუცილებელია მხოლოდ ინტერიერის დიზაინის შექმნა და მოწყობა თქვენი გემოვნებით. ამჟამად მიმდინარეობს სახლის გარშემო ინფრასტრუქტურის მოპირკეთება. კომპლექსი 20 წუთის სავალზეა ავტომობილით თავისუფლების მოედნიდან, ხოლო საზოგადოებრივი ტრანსპორტით 45 წუთი ბარათაშვილიდან დასახლების უშუალო სიახლოვეს მდებარე მოსაცდელამდე. საფეხმავლო და ველო ბილიკებით შესაძლებელია მოხვედრა მთაწმინდის პარკსა და კუს ტბაზე.