ქირავდება სასტუმრო გომარდულში

გომარდული

შუახევის მინიციპალიტეტში, სამთო-სათხილამურო კურორტ გომარდულში ქირავდება 2 კოტეჯი. თითოეული კოტეჯი შედგება მისაღები ოთახის, სამზარეულოს, 2 აბაზანისა და 4 საძინებლისაგან. კოტეჯებში შესაძლებელია 18 პირის განთავსება (თითოეულში 9-9 პიროვნება). კოტეჯები აღჭურვილია ყველანაირი ავეჯითა და ტექნიკით, რაც ნებისმიერ სეზონზე დასვენებისათვის საუკეთესო და კომფორტულ პირობებს ქმნის, მაგრამ განსაკუთრებული, ჯადოსნური გარემო ზამთარში იქმნება ხოლმე, როცა თოვლის საფარი დაახლოებით 2-3 მეტრს აღწევს. კოტეჯები სასრიალო ტრასიდან დაშორებულია დაახლოებით 200 მეტრით, მდებარეობს საუკეთესო ადგილას, საიდანაც თვალწარმტაცი ხედები იშლება. კოტეჯებამდე მოდის ასფალტირებული გზა, რაც ნებისმიერი მარკის ავტომობილით გადაადგილების საშუალებას იძლევა. კურორტი ბათუმიდან დაახლოებით 70 კილომეტრში მდებარეობს, ხოლო შუახევის ცენტრიდან (ცენტრალური საავტომობილო გზიდან) დაშორებულია 8 კილომეტრით. გასაქირავებელი ფასი არის დიფერენცირებული და მერყეობს 200-500 ლარს შორის ერთ კოტეჯში, ერთ ღამეზე (დამოკიდებულია განსათავსებელ პირთა რაოდენობასა და განთავსების დღეებზე). შესაძლებელია ასევე კოტეჯების გაქირავება მთელი თვით ან წლით.