არსენალი რეზიდენსი ქალაქის ისტორიულ ადგილას - არსენალის მთაზე მდებარეობს, რამდენიმე წუთის სავალზე ისეთი ღირსშესანიშნავი ლოკაციებიდან, როგორიცაა სამების საკათედრო ტაძარი, პრეზიდენტის რეზიდენცია, ავლაბრის მოედანი, თავისუფლების მოედანი, მეიდანი, აბანოთუბანი და ძველი თბილისის ყველა ცნობილი ქუჩა.

არსენალი რეზიდენსი თანამედროვე საცხოვრებელი უბანია, სადაც დაბალი განაშენიანება და ჰარმონიულად განლაგებული შენობები უზრუნველყოფს ბუნებრივ განათებას, გახსნილ ხედებსა და კომფორტულ ატმოსფეროს ყოველდღიური ცხოვრებისათვის.

დაგეგმარებისას მთავარი აქცენტი გაკეთებულია უსაფრთხოებასა და სუფთა გარემოზე - მიწისქვეშა პარკინგი უბანს მანქანებისგან ათავისუფლებს, ხოლო გამწვანებული ბულვარი, დასასვენებელი ზონები და საბავშვო სივრცეები აქ ცხოვრებას უფრო სასიამოვნოსა და მრავალფეროვანს ხდის.

კომპლექსის მულტიფუნქციურობა დამატებითი უპირატესობაა - საცხოვრებელ ბინებთან ერთად გათვალისწინებულია კომერციული, სავაჭრო, საოფისე, სარეკრეაციო და სპორტული ზონები, 170 მეტრი სიგრძის ბულვარი, ნახევრად ოლიმპიური აუზი, ფიტნეს დარბაზი, რაც ერთ სივრცეში ცხოვრებას, მუშაობას და დასვენებას შესაძლებელს ხდის და უბანს სრულფასოვან ურბანულ წერტილად აქცევს.