ვუდსაიდ ბაზალეთი თანამედროვე დასახლებაა ბაზალეთის ტბასთან, ტყის პირას, ეკოლოგიურად სუფთა გარემოში.

პროექტი ხორციელდება როგორც ე.წ. gated community, ანუ დაცული კერძო ტიპის დასახლება. პროექტის ჯამური ფართობია 5 ჰექტარი, რომელიც დაყოფილია 64 სამოსახლო ნაკვეთად. გაყიდვაშია როგორც ცალკე მიწის ნაკვეთები ისე მიწის ნაკვეთი სახლით. კომპანია მყიდველს სთავაზობს 5 განსხვავებული პროექტის სახლს.

დასახლების კონცეფცია დაცული, მაგრამ ამასთანავე ღია და დინამიური დაბის იდეას ეფუძნება.  აქ ცხოვრება შესაძლებელია ქალაქური, მოწესრიგებული და საქმიანი სტილით ბუნებასთან ახლოს, ეკოლოგიურად სუფთა, მშვიდ გარემოში.

სახლების ექსტერიერი დასახლების მყუდრო და თანამედროვე ხასიათს განსაზღვრავს, ამასთან განლაგება და არქიტექტურა ერგება რელიეფს ისე, რომ ყველა სახლს ჰქონდეს ხედი.

პროექტის დასრულებისას მყიდველს დახვდება თანამედროვე, უსაფრთხო საცხოვრებელი გარემო, სარეკრეაციო/გასართობი სივრცე, მარკეტი დასახლების ტერიტორიაზე, მოწყობილი და მოწესრიგებული თავშეყრის ადგილები ტყეში.